Det blir opna for påmelding til sommarseglinga 2026 på måndag 9. mars kl 18:00 (ikkje 2. mars, som tidlegare kunngjort). Vi reknar med stor interesse, så vil du vera med, bør du vera tidleg ute.
Planen er åtte etappar, som er meir enn vi har hatt på veldig lenge. Strekninga vi skal segle er uvanleg variert. Det blir lange strekningar med salt hav i sør og nordvest, andre stader smal skjergard eller brei øy- og fjordkyst. Naturhamner blir det av alle slag, frå kliper mellom reinskrapa granitt til fjordbukter der lindeskogen heng over båten. Somme etappar har god tid, andre mannskap må stå på. På Vestlandet sør for Stad blir det medvind i skitvêr og godvêr i motvind. Det blir veke for unge vaksne og barneveke. Kort sagt, litt av kvart.
Bytestadene er markerte på kartet til høgre.
Du melder deg på via dette skjemaet: https://docs.google.com/forms/d/e/1FAIpQLSep4JpCZOkzlsE2l7Fh5T41v6BLHX6EkpCdbqhovd5hFAuDHQ/viewform?usp=header.
