Sjøsetting 2024

 Velkomen til sjøsetting av Braute helga 26.-28. april. Vi går i gang fredag kl 18 og gjer båten klar, så set vi han på sjøen laurdag føremiddag. Er vi effektive, så kan segle ein tur med overnatting laurdag – sundag. Det blir nok ein kort tur, men slik at vi får smaken av eventyret.

Vi skal smørja botnstoff, sjekke det elektriske anlegget, få båten på sjøen, bera om bord mast, segl (nytt storsegl!), kister og alt det andre utstyret, m.m. Kor raskt dette går, kjem an på kor mange som møter. Det kritiske er kor mange vi er når båten skal ut. Vi kan rekne med at litt folk frå den lokale folkehøgskulen stiller då, men er avhengige av at ein god gjeng tilreisande medlemmer kjem. Vi treng altså akkurat deg. Du kjem ikkje til å angre; det er alltid veldig triveleg. Kan du vera med ein del av helga, så er det òg fint – både for deg og laget.

Båten ligg på Stensund folkhögskola i Trosa kommune, i luftlinje fem og ei halv mil sørvest for Stockholm sentrum: https://goo.gl/maps/TWfYZNajjnTnWwX1A

Dugnaden og helga blir lagde opp som kurs i regi av Studieforbundet kultur og tradisjon. Alle som skal vera med på eventuell segltur, må vera medlemmer i laget.

Vi leiger ei hytte med nokre senger på folkehøgskulen, men dei fleste må ta med liggeunderlag og sovepose. Det trengst òg til eventuell tur. Båtlaget spanderer maten.

Har du spørsmål om dugnaden, kontakt: Ingrid Wänstrand, 0046 70 60 57 026, braute.info@gmail.com, eller Eldar Heide, 0047 48 60 76 28, braute.info@gmail.com.

………………………………..

Du kan følgje laget på Facebook, der vi har ei informasjonsside, https://www.facebook.com/BatlagetBraute, og ei gruppe der medlemmer kan dele bilete, diskutere, m.m., https://www.facebook.com/groups/115946693388.